ഒരുപാട് നാളുകള്ക്ക് ശേഷം വീണ്ടും ബ്ലോഗ് എഴുതാന് തീരുമാനിച്ചു... ചെന്നൈയിലെത്തിയ ശേഷം.. എന്റെ ആദ്യത്തെ പോസ്റ്റ്... എന്താണ് എഴുതേണ്ടത്..?? എന്താണ് ഇപ്പോള് എന്നെ എഴുതാന് പ്രേരിപ്പിച്ച സംഭവം..?? ഏതു ഭാഷയില് എഴുതണം..?? ഒന്നുമറിയില്ല... ആകെ അറിയാവുന്നത് എഴുതണം... അത്രമാത്രം... എഴുതാന് ഏതു ഭാഷ എടുത്താലും.. എന്റെ മനസ്സിലുള്ള ചിത്രം പൂര്ണ്ണമായി പകര്ത്താന് കഴിയില്ല... മനസ്സ് തൊട്ടറിഞ്ഞ മലയാള ഭാഷയില് എഴുതാന് ഉള്ള ധൈര്യക്കുറവും എന്നെ അലട്ടുന്നു... എവിടെ തുടങ്ങണം...?? അതിനു മുന്പേ ഞാന് വീണ്ടും ഒരു കാര്യം വ്യക്തമാക്കാന് ആഗ്രഹിക്കുന്നു... myeye-blog എന്നാല് എന്റെ കണ്ണിലൂടെ ഞാന് കാണുന്ന എന്റെ മാത്രം കാഴ്ചകളാണ്...
മനസ്സ്.. ഇരമ്പുന്ന കടല് പോലെ...
വാക്കുകള്.. തിരമാലകള് പോലെ...
കടലാസ്.. കരളുറക്കാത്ത തീരം പോലെ...
തിരമാലകള് പേനയിലൂടെ നനഞ്ഞിറങ്ങാതെ... കടലിലേക്ക് ഉള്വലിയുന്നു... പുലരുവോളം കാത്തിരിക്കാതെ... കടലാസ് തോണിയുമായി... കടലിലേക്ക്... കാറ്റും കോളും നിറഞ്ഞ കടലില് ദിക്കറിയാതെ നീങ്ങുന്നെങ്കിലും... ആകാശചെരുവില് പൊട്ടി മുളക്കുന്ന സ്വര്ണ കിരണങ്ങള് വഴി കാണിക്കുമെന്ന പ്രതീക്ഷയില് തുഴയുന്നു..
ഈ കടല് എന്റെ ലോകം.... ഈ ലോകത്ത് ഞാന് ആരാധിക്കുന്ന ദൈവങ്ങളും... ജീവിതം സഹനവും ത്യഗവുമാണെന്ന് പഠിപ്പിച്ച മഹാത്മ ഗാന്ധിയും... ചെറുത് നില്പ്പല്ല പ്രത്യാക്രമണം ആണ് അവസാനത്തെ ആയുധം എന്ന് തിരുത്തിയ ചെഗുവേരയും... ഭഗത് സിങ്ങും.. ഈ ലോകം ഒരു നാടകം ആണെന്ന് പ്രതിഫലിപ്പിച്ച ഷേക്സ്പിയറും.. ഉയരങ്ങള് കീഴടക്കാന് പ്രതിഭ മാത്രം പോര കഠിന പ്രയത്നം വേണമെന്ന് തെളിയിച്ച സച്ചിന് ടെണ്ടുല്ക്കറും, സന്തോഷം എന്നാല് സംഗീതം എന്ന് ശ്രുതിയിട്ട AR റഹ്മാനും, എല്ലാ വിജയത്തിന് പിന്നിലും ഒരു വലിയ കുറ്റം (ക്രൈം) ഉണ്ടെന്നു പച്ച കുത്തിയ ചാള്സ് ലക്കി ലൂസിയാനോയും... എന്നെ എഴുതാന് പ്രേരിപ്പിച്ച പദ്മരാജനും... ഇവര്ക്കായി ഞാനിതു സമര്പ്പിക്കുന്നു...
ലോക സിനിമകളിലൂടെ ഒരു യാത്ര...
ഞാന് കണ്ട സിനിമകള്, വായിച്ച തിരക്കഥകള് മറ്റു പുസ്തകങ്ങള് എല്ലാം... മനസ്സില് മായാതെ നില്ക്കുന്നു... മണ്ണിന്റെ മണമുള്ള മലയാളം മുതല് ബംഗാളി, മറാത്തി തുടങ്ങി.. സ്പാനിഷ്, ഫ്രഞ്ച്, ജര്മന്, ആഫ്രിക്കന്, കൊറിയന്, ജാപ്പനീസ് വരെയുള്ള പതിനെട്ടോളം ഭാഷകളിലെ സിനിമകളും.. പദ്മരാജന് മുതല് കുറസോവയും, റൌള് പെക്കും ജുവാന് കാര്ലോസ് തുടങ്ങി സൊ യങ്ങ് കിം, ലാര്സ് വോന് ട്രയെര്, കിം-കി-ടുക് വരെയുള്ള നൂറില്പരം സംവിധായകരെയും, എഴുത്തുകാരെയും, അഭിനയതേക്കളെയും മറ്റു കലാകാരന്മാരെയും കുറിച്ച് ഞാന് എഴുതുന്നു... ലോക സിനിമകളിലൂടെ ഒരു യാത്ര... കാത്തിരിക്കുക..